ما هو الفرق بين الحب الحقيقى والحب الوهمى

ما هو الفرق بين الحب
الحقيقى والحب الوهمى












الحب الحقيقى والحب
الوهمى
من خلال اطلاعي على مشاكل الحب ومعرفتي ببعض
هذه المشاكل على ارض الواقع
اليوم حبيت اطرح موضوع يبين الفرق بين الحب الحقيقي والحب
الوهمي

شاب يتعرف على بنية في احد الاماكن او عن طريق النت او التلفون
يسمعها احلى كلام الغزل والحب والعشق يبقى
ساعات يحجي ويا البنية وبعدين احتمال تتطور العلاقة الى طلعات للمطاعم او المنتزهات
العامة وبس يعني افعال ماكو حجي وبس ومن البنية تجي تكوله للولد تعال اخطبني
يكوللها والله اني بعدني ما مكون نفسي وما مستعد حاليا ارتبط بيج

او مثلا
هو عنده علاقة وياهاوبنفس الوقت عنده علاقة ويا 3 4 بنات من تسأله البنية عن علاقته
بذولة البنات يكوللها ذولة صديقات وبس وانتي وحدج الي بكلبي طبعا هي علاقته بيهم
واصلة لمرحلة تلفونات وصور

هو هذا يسمى حب ؟ حقيقة اني مااكدر انطي غير
تسمية حب وهمي او حب لهو تكضية وكت
حب مراهقين لا اكثر ولا اقل

يا
شبابنا الي عايشين هذا النوع من الحب ممكن تعيشون
لحظات حلوة اي بس مؤقتة سرعان ما تنتهي والضحية الاولى ولاخيرة هي البنية لان
البنية عبارة عن كتلة مشاعر واحاسيس رقيقة من تنتهي علاقة الحب هذه راح تنجرح
وتتأذى أكثر من الولد

اني ماانكر اكو شباب ممكن يكونون ضحية لهذا النوع من
العلاقات وهذا الي اكتشفته بصراحة من خلال مشاكل بعض الشباب المطروحة بهذا لقسم لكن
تبقى البنية ي اكثر حساسية وعاطفية من الولد

اما الحب الحقيقي هو الحب الي ترجمه
الافعال والتضحيات من قبل كلا الطرفين مو بس مجرد كلام حب وغزل

أني اعرف
بنية حبها شاب كان زميل وياها بنفس مكان العمل لكن مع الاسف كانت لبنية ماعدها اي
مشاعر اتجاهه

كللها اني مستعد اغير افكاري وحياتي كلها اذا قبلتي الارتباط
بيه
البنية سافرت لغير دولة كللها ذا مسألة السفر هو السبب الي خالج ترفضين
فكرة الارتباط بيه اني مستعد اسافر واشتغل ولو شغلة بسيطة بالدولة الي انتي ساكنة
بيها

مااعرف راح تصدكوني او لا طيلة فترة وجوده وياها بنفس مكان العمل هو
مامسمعها كلمة غزل وحدة
ولا حاجي وياها بالتلفون (حقيقة البنية كانت ما سامحتله
يتجاوز وهو احترم هذا الشي )

هذا هو الحب الحقيقي حب
معتمدعلى تضحيات وافعال ملموسة من قبل الطرفين مو بس كلام حب

حقيقة اني
اعتبر نجاح ذا النوع من الحب يعتمد على الشاب
والبنت اذا كانو ناضجين بما فيه لكفاية راح يكون حبهم حقيقي نظرتي لهذا النوع من الحب هي نظرة متفائلة
جدا

الحب مو بس كلام غزل وحب واشعار وطلعات الحب الحقيقي اكبر من
هذا الشي اتمنى ان هذا الكلام يشعر به كل الحباب ويفهموه جيدا اسف اذا كانت كلماتى
قاسية
يا شباب ويا صبايا المنتدي
ارجو منكم ان تقدمي لي اي تعليق او اي استفسار
وشكرا لكم