حضارة سبعة الاف من السنين؟؟؟؟

من طرف احمد غريب السبت سبتمبر 05, 2009 8:38 am

سؤال بيسأله كل المصريين

ليه أحنا متأخرين

وكلنا للأسباب عارفين

بس مستهبلين

ووقتنا كله مضيعين

وإحنا علي الكافيهات قاعدين

وللشيشة والمعسل شاربين

البنات والولاد لبعض معلقين

والرجالة والستات جوازات عرفي ضاربين

وعندنا مدارس وجامعات كتير بس مش متعلمين

وفاشلين

جاهلين

وجوامع وكنائس كتير بس مافيش دين

ونطلع من الصلاة نتخانق ونسب لبعض الدين

والمسلمون يكرهوا المسيحيين ويحرقوا البهائيين

والمسيحيين للاثنين مش طايقين

وعندنا ناس بتسال ندخل الحمام بالرجل الشمال ولا اليمين

ورجالة وستات بيحلفو أنهم للجن متجوزين

ومخلفين

متخلفين

وعندنا نيل طويل بس عطشانين

وأرض خضراء مزرعة بس جعانين

والخضار والفاكهة الحمد لله متسرطنين

وفي نفلونزا الطيور طلعنا علي العالم التالتين

ودفنا الخنازير حية والأنفلونزا مش لاقيين

حتي السمك مسمم جبناه من الفلبين

وبقينا خلاص نباتيين

ومش لاقيين

وإحنا ساكتين

وعلي بعض بس متفالحين

وعلي الغلبان بس نعمل جامدين

ولو عسكري المرور كلمنا ننزل نديله قلمين

لكن لو ضابط نقول له آمين

وندفع المخالفة حتي لو مش غلطانين

ونضحك في وش بعض وأول مانمشي نروح شاتمين

وكلنا نقول لبعض أنت عارف بتكلم مين

ورجالتنا مش عارفين وفي العسل نايمين

والستات تعبانين

4/3 البلد بيتكلموا في الموبايل وهما شحاتين

والربع مساطيل ومحششين

بس سيبك أنت احنا ناس طيبين

وربنا ساترها وماشيه بدعاء الوالدين

وصدقني حانفضل كده علي طول وليوم الدين

من طرف **العمدة عماد** الأحد سبتمبر 06, 2009 1:31 am

بس مين هيسمع مين ولكل سكت ومعرف طرقو فين اكتر الناس سكتين بس من غلبهوم سكتين مش بيشكو غير لربنا الى اكبر من اى كبير بس الحمد لله شكرا ربنا وعيشن بزكر الله مبسوطين تسلام احمد على الموضوع ده

حضارة سبعة الاف من السنين؟؟؟؟

حضارة سبعة الاف من السنين؟؟؟؟

رد: حضارة سبعة الاف من السنين؟؟؟؟