سؤال لكل بنت :الحب ولا المال؟ّ!

من طرف **العمدة عماد** الجمعة ديسمبر 30, 2011 9:56 pm

في القرن الواحد والعشرين, في عصر المادة, وسيطرة المال والثروة, أصبحت غالبية
البنات بتحلم بأنها تعيش حياة الرفاهية والمال بغض النظر عن وجود الحب في العلاقة
أو عدم وجوده, لكن لا يزال يوجد بنات بتحلم بوجود الحب في العلاقة بغض النظر عن
وجود المال فيها .

علشان كده تعرفنا على بعض آراء البنات بخصوص الموضوع ده , وكان السؤال الأساسي
هو: من سوف تختارين في حالة أن تقدم لك عريس غنى وفى الوقت نفسه عريس آخر تحبينه
ويحبك ولكنه فقير نسبيا؟ وكانت الحقيقة الآراء مختلفة والأسباب متنوعة .

سالت أول بنت وكان رأيها إنها هتختار اللي بتحبه طبعا ,لكن لما قلتلها انه ممكن
يكون فقير قالتلى يبقي هختار الغنى أفضل, بمعنى إنها اختارت الفلوس مش الحب, لكن
على العكس كان رأى بنت تانية “هو أكيد مش مهم الفلوس لكن المهم انه يبقي راجل بمعنى
الكلمة يحبني ويحترمني” بمعنى إنها اختارت الحب مش الفلوس.

بنت أخرى كان رأيها بشكل مباشر إنها هتختار الغنى على طول لان الفقير مش هيقدر
ينفذ لها طلباتها واحتياجاتها حتى لو كان في حب وكمان ان حتى لو في حب هيروح مع
الفقر ومش هيكون له معنى ,وكان رأي بنت أخرى إنها هتختار الفقير والسبب في
الاختيار ده على لسانها ” اللي بيحبنى حتى لو فقير, لو بيحبنى بجد هيحاول يجيب ليا
ويعمل ليا كل اللي أنا عايزاه وهيحاول يكبر عشان يحقق ده وساعتها مش هحس بفقره وحتى
لو حسيت فى الأول لما هيبقى معاه هيعوضنى عن كل ده لكن الغنى مهما كان غنى مش
هيدينى زى اللى بيحبنى لأنه هيبقى حاسس بس انه واجب عليه مش اكتر”

من الآراء برضه اللي سمعتها كان رأى إحدى البنات بأنها هتختار اللي بتحبه طبعا
وكان السبب هو إن الفلوس بتروح و تيجي وان الفقر ممكن يعمل فلوس بعد كده لكن اللي
معاه فلوس مش هيقدر يخليكي تحبيه بفلوسه, وهكذا.

بين مؤيدات للحب وبين مؤيدات للمال , اختلفت الآراء ولكن سوف يظل السؤال التالي
: هل ستظل هذه الآراء موجودة وسوف تنفذ على ارض الواقع أم أنها مجرد وجهات نظر سوف
تختفي عند التواجد في الموقف الفعلي ؟؟

إلى كل بنت سواء كانت مؤيدة للحب أو المال , سوف يظل هذا قرارك المصيري , أيهما
تفضلين ,هل سيكون اختيارك هو المال وحياة الرفاهية بغض النظر عما إذا كان الحب
موجود أم لا؟ أم سوف تختارين الحب بغض النظر عن وجود المال ؟