علاقه الشاب والفتاة في الشات هل هي وهم ام حقيقة؟

من طرف **اناهيد** الجمعة أغسطس 21, 2009 1:33 pm

[b] السلام عليكم

الموضوع لي عاوزة اطرحه يهم كل واحد بيدخل المنتدى سواء عضو ولا زائر
وانا كاي بنت دخلت الشات وتعرضت لمواقف دي كتير

انشاء الله يعجبكم

كل بنت بتدخل الشات بتحاول تكون لطيفة وجنتل ومفيش زيها انتنين خاصه مع الشباب
والشاب كمان مش مقصر ابدا كمان ياعيني لطافه ايه وزوق ايه وكلام معسول ايه
عارفين كل ده ليه عشان كل واحد فيهم بحاول يوقع التاني في شباكه المزيفه
ياجماعه عاوزة اطرح سؤال على كل واحد بيدخل الشات : انت بتدخل الشا ليه؟

انا لقيت 3 اجابات لسؤال ده وهي
في ناس بتدخل الشات عشان تكون صداقات جاده وبتتعارف بجد والناس دي بتكون صادقه في كل حاجه وكلامها ما ينشبع منه ناس عقلها يوزن بلد وصدقوني الناس لي بتبدا بصراحه صدقتها بتكمل وبتنجح وللاسف نسبه الناس دي قليله على الشات بحاولي 5 بالمئه

وفي ناس تانيه ربنا يهديها بتدخل الشات عشان تشبع شهواتها وعشان تغضب ربنا قبل كل شيء ناس كل كلامها غير اخلاقي وبعيد تمام عن حاجة اسمها دين واخلاق انا بسمي الناس دي متخلفة ومريضه حتى الحيوانات احسن منها عاوزة اقولهم حاجه خافو ربنا خافو يوم لا ريب فيه وللاسف النسبه دي في الشات العربي منتشرة بكثرة
بحوالي 25 بالمئه للاسف .احنا عرب وكلامنا لازم يعبر عن دينا مش عن شهواتنا

وفي ناس تانيه بتدخل الشات عشان تدور على حاجة اسمها حب والله انا بستغرب كيف يمكن ان تكون علاقه الشاب والبنت حب ببساطه
بقولها : اسمك ايه ؟ كم عمرك بتدرسي ايه ؟ تعرفي حاسس انب تعرفك من زمان والله انا بحبك وبيبدا الكلام المعسول بينهما نفسي افهم الحب عند الناس دي ايه لعب عيال
الحب قبل الكلام الحلو والمعسول هو نضج وتفاهم

عاوزة اطلب من كل واحد رتح يقرا الموضوع ده يتخيل لو هو انحط في وضع زي ده حيعمل ايه
مثلا : واحد او وحدة اتعرفو على بعض وبدات العلاقة بينهم وتوهمو انه لي بينهم حب وتعاملو مع بعض على اساس حبيبين وبعد شهرين ثلاثة اتبين انه لي بينهم ما كنش حب ابدا حاجه شيبه بالحب لانه كل واحد ابدى لتاني اهتمام غير عادي
يمكن يكون اعجاب استلطاف تقدير بس مش حب ابدا

يا جماعه الحب الحقيقي هو الصادق والوفي فالواحد حتى لو ابتعد عنه لي بحبه احساسه اتجاه مش يمكن يتغير لانه الحب بيكبر مش بيصغر فكل واحد اتعرف على وحدة و حبها حتى لو بعدت عنه مش ممكن يتغير احساسه اتجاها ابدا وكمان البنت نفس الشيء

عاوزة اقول حاجة لي بيتعرفو على بعض ويتوهمو الحب وبعدين سيبو بعض وبعدين واحد فيهم يرجع يقول لتاني انا لسه بحبك ويلاقي لي كان بحبه نسيه عاوزة اقول ده مش حب وفي النقطة دي عاوزة اقول للبنات بالتحديد يا فالحة انتي وهي لو كان بحبك ما كنش نسيك وقالك ده نصيب لانه فعلا لي بينكم نصيب بلاش تجرحي كرامتك اكثر حتى لو حبيته لو كان نسيكي بلاش تجرحي كرامتك وتنزلي اكثر لانه ده عيب في حقك يمكن يكون حبك في الاول بس كصديقة مش حبيبه افهمي الرجل مش ممكن يشرب من الكاس المر مرتين الا اذا كان بحب بجد بجد

حاولي تستفدي من التجربه لانه البنت ماعندهاش غير الكرامه حتى لو هو من بلد وانتي من بلد بلاش تنزلي اكثر ماتنسيش العمر قصير وقطار الحياة بفوت دوري على الحب الحقيقي جنبك مش بعيد . في مثل جزائري بقول ’ لي ماهوش ليك يعيك يعني الحاجة لما تكون مش بتاعتك تتعبك
فكري الف مرة في نفسك بلاش تتزلي اكثر

انا تكلمت عن البنات كتير دلوقتي كلامي لشباب

الشاب الناضج عمره ما يعيد الخطا مرتين يمكن يتعرف على بنت ويعجب بيها بعدين يكتشف انه مش ممكن يكمل معها لانه مش بحبها بسب المكان وحاجات كثيرة تخليه يغير ارايه عاوزة اقول لاي واحد حس بده لو اتاكدت انك مش بتحبها صرحها اوعى تصيبها متعلقه بيك حتى لو اضطريت تقسو عليها لانه القسوة عند الضرورو مفيدة

وكمان في شبابا بتحب تتسلى ببنات الناس عاوزة اقولهم خاف ربنا في نفسك وماتنسى انه الواحد الاحد عينه لاتنام حيجيك يوم يلعب بيك مثل ما لعبت ببنات الناس وفي حاجه كمان عمرها ماكانت الرجوله كده لي بيعمل كده مش راجل لانه الرجوله عقل ونضج قبل كل حاجة

واحيانا البنات هي الخاينه هو يمكن يحبها بس بعدين يكتشف انها كذابه وكانه كان يعرف حد تاني اقوله بلاش تزعل على لي فات اما هي بلاش تقولي هو حد شيفني اديني بتسلى وتنزلي للمستوى ده الكذب حبله قصير ومصير المستخبي يبان وماتنسي في يوم ما راح تنفضحى اقدام ربنا وناس كلها ما بلاش تلعبي بنار لانها حترحقك لوحدك

واخيرا عاوزة اقول للاتنين احنا لو استعملنا العقل والمنطق وميزنا بين الصح والغلط والحب ولاعجاب وما نخلطش الزيت والماء ونقول التجربه حتنجح لانه الزيت والماء عمرهم ما يتخلطو بعض
انا عن نفسي بحب التعارف وايهمني اذا اتعرفت على بنت او ولد المهم يكون الاحترام بينا وحطيت لنفسي خطوط مش ممكن اعديها مهما حصل حتى لو حسيت اني بحب واحد اوهو بحبني لازم اتاكد من احساسي قبل كل حاجه مش لكلامه الحلو اقول خلاص ده هو الحب لا كل شيء لازمه تفكير مثل ما بقول ارسطو انسان الناجح ينجح بعقله
وانا من مؤيدي حب العقل والقلب

نصحتي لكل شاب وفتاة

كونوا الصداقه لانه الصداقه كنز لا يفنى. يمكن تحبو بعض ده مش عيب بس تاكدو من احساسكم قبل كل حاجة

الكرامه ثم الكرامه ثم الكرامة بلاش تتنزلو عنها خاصه البنت لانه الرجل بيعرف ازاي يحافظ عليها
خافو ربنا في كل حاجة

الموضوع ده اكبر من كده انا ديت راي في الموضوع

يمكن اكون استعملت الفاظ بتجرح شويا مش قصدي ولا واحد هنا بس حبيت ابين وجهت نظري باسلوب حاد شويا
انا قدمت نصيحه لعل وعسى اجد حد ياخذ بيها لانه العمر فاني ما يبقى لابن ادم غير العمل الصالح

اتمنى تكون فكرتي وصل للجميع شكرا جزيلا لانكم اديتوني من وقتكم

اسفه على كثر الكلام

اتمنى يعجبكم استنى ردكم فارغ الصبر وبكل صراحة

رمضان كريم

من طرف **العمدة عماد** الجمعة أغسطس 21, 2009 3:27 pm

الاول كل سنه ونتى طيبه ورمضان كريم ************* ومن نحيت الموضوع هو موضوع لازم من السماع ليه وكمان من كل كلمه اتقلت البنت ولشاب لازم يعرف ان ليه اخوات بنات لازم يعرف ان داين تودان وكمان الموضوع كبير جدا محتاج كلام اكبر من كده يا اناهيد انتى كلامك خفيف شواه لانك زوق مش بتحبى توضحى اكتر من كده لان فى اكتر من الكلام الى انتى قولتى بكتير وعايز اعرفك بجد فى بنات محترمه كتير جدا لكن البنات النوص نوص دول مش مبينه البنات المحترمه لان الشاب لما يشوف البنت الى مش محترمه بتعمل كده بيفكر ان كل البنات شئ وحد لا لازم الشاب يعرف ان البنات انواااع كتيره فعشان كده لزم الشاب يميز بين البنت ولبنت وكمان البنات لازم تعرف ان الشباب انواع كمان من شوع وحد نفس الكلام البنت بتشوف فى الشاب فلازم نقف وقفه ونعرف البنات تفكر التفكر الصح فين مش مجرد كلمه انكتبت على الاميل تدوب منها وتفضل تحلم بها طول العمر لمجرد انها سمعتها من شاب بس خالى بالك يا اناهيد ده بيبقه قلت عقل من 2 وكمان من الاهل لنا الاهل لازم تكون الام صديقه لبنتها ولاب لازم يكون صديق للشاب وتفكر الصح بيوصل للطريق الصح اهام شئ ان العقل يميز بين ده وده وشكراااااااااا اناهيد على ترح الموضوع الجميل ده وعلى رايك لازم كل وحد يميز الاول قبل ما يعمل الشئ الى ممكن يخلى يندام او تندام طول العمر سلااااااااااااااااااااااااااااام

من طرف حنان القلب الجمعة أغسطس 21, 2009 7:08 pm

بشكرك اناهيد على الموضوع الجميل

احب اقلك ان كل الي قلتيه صح

بس لزم كل وحده تعرف هي مع مين بتحكي

لان فيه شباب كثير عن طريق الشات حبو بعض واتزوجو وعيشين مبسوطين في حياتهم

بس بجد موضوعك حلو وتستاهلي عليه الشكرا

صديقتك حنـــــــــــــــــــــــــان

من طرف **LOLO** الجمعة أغسطس 21, 2009 7:25 pm

الاول كل سنة وانتى بصحة وسلامة وبخير الموضوع جميل اوى فى كتير شباب محترمة وكويسة وبنات كويسة كمان ومحترمة
وفية شباب وبنات مش كويسين كتيرررررر والشباب دول بيتعرفو من كلامهم اذا كانو كويسين ولا لا
ولو البنت او الولد اتعرفو على بعض فى الشات بيكون بينهم كل احترام وزوق . ولو فية حد داخل الشات عشان يتسلى ب البنات
او البنات تتسبى ب الشباب دول مش كويسين بالمرة واللى داخل عشان يقول كلمتين بكش ويسرح بالبنات دة بيبقى خايب اوى
وفية شباب بتبقى صدقين فى كلامهم بس الانسان الصادق فى الشات بيبقى قليل وفى الاخر بقول ان كل بنت وولد بيدخل الشات
لازم يكون صديق وبس مش اكتر من كدة وربنا يوفقق الجميع ورمضان كريم تسلم ايدك يا اناهيد

علاقه الشاب والفتاة في الشات هل هي وهم ام حقيقة؟

علاقه الشاب والفتاة في الشات هل هي وهم ام حقيقة؟

رد: علاقه الشاب والفتاة في الشات هل هي وهم ام حقيقة؟

علاقة الشاب والفتاة في الشات هل هي وهم ام حقيقة

علاقه الشاب والفتاة في الشات هل هي وهم ام حقيقة؟