الوقت الصعيب

يا حصرا على الوقت كيف صاير صعيب كل شىء تغير وتبدلت احوالو

صدق لى قال هاذ الزمن عجيب مع الوقت تبين وصدقت اقوالو

ما بقى لا صاحب ولا حبيب كل واحدالدنيا اخذاه لحالو

هدا ملتهى يلم لفلوس فى الجيب غواه الفلوس وشغلولو بالو

تبع الدنيا وراسو اكلو الشيب ومازالو يجرى وراها بهبالو

ما ساب البرانى ما ساب اهلو قاطع الرحم و رابح العيب

ما خلى الصاحب ما خلى الغريب ما خلى عمو ما خلى خالو

ما خلى واحد بعيد ولا قريب وفى هاد الدنيا واحد ما بقالو

كمل بوالديه ولا كيف الذيب ونكر لى عملوه عشانوا

عوض يعاملهم بالرحمة والطيب سابهم فى دار العجزة ينشالوا

ونسى انا النفس عليها رقيب وربى سبحانو شىء ما يتخبالو

وياك كلام الناس سعات يصيب اسمع يا الفاهم زمان واش قالو

اللحم لما يفوح ما راح يصيب من غير عائلتو الى تحملو

والجار وصى عليه نبينا الحبيب صلى الله عليه وسلم الو

لما كان هداك اليهودى يجيب النفايات عند الباب يحطهالو

والنبى لما طل قال ايه لى جرالو فى يوم كتبلو ربى عشان يغيب

حمل عرجون تمر ودعاه بالترغى نشاء الله انت بخير وما بيك والو

اما دركا الراجل امرو رجع صعيب قلبو مات والنيف ما بقالو

لما صارت الزوجة تتعب وتجيب وهو فى الدار رجل على رجل

ما يحس ما يغار وما عندو تانيب بالنسبة الو مشات اشغالو

وفى لى رجع ياخد من كل نصيب ما يهموش هداك المال من وين جالو

المهم غير ياكل الخبز والحليب حلال ولا حرام والله ما على بالو

وفى لى عاد على الناس خطيب يدعيهم ويفتى عليهم باقوالو

وهو فى ذاتو ياكل غير مالريب ويحارب فى الله ورسولو

رايحة اقول ايه الوقت صعيب وكل واحد يندم على افعالو

يا ويح على ذلك العبد يخيب ظن الله نهار يوقف قدامو


مع تحيات عبده